2015 jylǵy 5 qazan, Astana qalasy
«Bilim alýshylardy bilim berý uıymdarynyń úlgileri boıynsha aýystyrý jáne
qaıta qabyldaý qaǵıdalaryn bekitý týraly» Qazaqstan Respýblıkasy Bilim jáne
ǵylym Mınıstriniń 2015 jylǵy 20 qańtardaǵy № 19 buıryǵyna ózgerister men tolyqtyrý engizý týraly
buıyramyn:
1. «Bilim alýshylardy bilim berý uıymdarynyń úlgileri boıynsha aýystyrý jáne qaıta qabyldaý qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń 2015 jylǵy 20 qańtardaǵy
№ 19 buıryǵyna (Normatıvtik quqyqtyq aktilerdi memlekettik tirkeý tiziliminde № 10297 bolyp tirkelgen, «Egemen Qazaqstan» gazetiniń 2015 jylǵy 12 naýryzdaǵy № 47 (28525) sanynda jarııalanǵan) mynadaı ózgerister men tolyqtyrý engizilsin:
taqyryby mynadaı redaksııada jazylsyn:
«Bilim alýshylardy bilim berý uıymdarynyń túrleri boıynsha aýystyrý jáne qaıta qabyldaý qaǵıdalaryn bekitý týraly»;
kórsetilgen buıryqpen bekitilgen Bilim alýshylardy bilim berý uıymdarynyń úlgileri boıynsha aýystyrý jáne qaıta qabyldaý qaǵıdalarynda:
taqyryby mynadaı redaksııada jazylsyn:
«Bilim alýshylardy bilim berý uıymdarynyń túrleri boıynsha aýystyrý jáne qaıta qabyldaý qaǵıdalary»;
1-tarmaq mynadaı redaksııada jazylsyn:
«1. Bilim alýshylardy bilim berý uıymdarynyń túrleri boıynsha aýystyrý jáne qaıta qabyldaý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 16) tarmaqshasyna sáıkes ázirlengen jáne menshik nysanyna jáne vedomstvolyq baǵynystylyǵyna qaramastan bilim alýshylardy tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berý uıymdaryna aýystyrýdyń jáne qaıta qabyldaýdyń tártibin aıqyndaıdy.»;
6-tarmaq mynadaı redaksııada jazylsyn:
«6. Bilim alýshy sheteldik bilim berý uıymynan aýystyrylǵan nemese qaıta qabyldanǵan kezde meńgerilgen oqý baǵdarlamalary týraly qujat (akademııalyq anyqtama nemese transkrıpt), sondaı-aq Qazaqstan Respýblıkasy Bilim jáne ǵylym mınıstriniń 2008 jylǵy 10 qańtardaǵy №8 buıryǵymen bekitilgen, Normatıvtik quqyqtyq aktilerdi memlekettik tirkeý tiziliminde №5135 bolyp tirkelgen Bilim týraly qujattardy taný jáne nostrıfıkasııalaý erejesinde belgilengen tártippen Qazaqstan Respýblıkasynda nostrıfıkasııalaý rásiminen ótýi tıis bilim berýdiń aldyńǵy deńgeıin aıaqtaǵany týraly qujat usynylady.
Sheteldik JOO-dan aýystyrý nemese qaıta qabyldaý kezinde Qazaqstan Respýblıkasynda jalpy orta (orta jalpy) nemese tehnıkalyq jáne kásiptik bilim alǵan tulǵalar da baly belgilengen ótý balynan tómen emes ulttyq biryńǵaı testileýdiń (budan ári – UBT) nemese keshendi testileýdiń (budan ári - KT) sertıfıkatyn usynady.
UBT men KT-ǵa qatyspaǵan nemese ótý balyn almaǵan tulǵalar buıryq shyqqanǵa deıin KT tapsyrady.
KT-ǵa qatysý úshin ótinishterdi qabyldaýdy joǵary oqý oryndarynyń qabyldaý komıssııalary 5-12 tamyzda jáne 5-12 qańtarda júrgizedi.
Keshendi testileý 20-24 tamyzda jáne 20-24 qańtarda ótkiziledi.»;
2-taraýdyń ataýy mynadaı redaksııada jazylsyn:
«2. Bilim alýshylardy bilim berý uıymdarynyń túrleri boıynsha aýystyrý jáne qaıta qabyldaý qaǵıdalary.»;
22-tarmaq mynadaı redaksııada jazylsyn:
«22. Eger joǵary oqý oryndarynyń (budan ári – JOO) bilim alýshylary jeke oqý josparyna sáıkes meńgerip jatqan baǵdarlamasynyń birinshi akademııalyq kezeńin tolyq aıaqtasa, olar oqýdan shyǵarylǵannan keıin aýysa alady nemese qaıta qabyldana alady.
Oqý aqysyn tólemegeni úshin oqýdan shyǵarylǵan aqyly negizde oqıtyn bilim alýshy qaryzyn ótegen jaǵdaıda, oqýdan shyǵarylǵan kúnnen bastap tórt aptanyń ishinde oqýǵa qaıta qabyldana alady.
Bul rette bilim alýshy oqýdan shyǵarylǵan merzimine qaramastan kez kelgen oqytý nysanyna, kez kelgen mamandyqqa jáne kez kelgen joǵary oqý ornyna aýysa nemese qaıta qabyldana alady.»;
24-tarmaqtyń ekinshi bóligi mynadaı redaksııada jazylsyn:
«Bilim alý kezeńinde Qazaqstan Respýblıkasynyń Qarýly Kúshteri qatarynda áskerı mindetin óteýge shaqyrylǵan bilim alýshylar tıisti oqý kýrsyna qaıta qabyldanady.»;
25-tarmaq mynadaı redaksııada jazylsyn:
«25. Meńgerilgen kredıtterdi qaıta esepteý bilim berý baǵdarlamalaryn, meńgerilgen pánder tizbesiniń mazmunyn, olardyń kólemin, alynǵan bilimdi, bilikti, daǵdylar men quzyretterdi, sondaı-aq oqytý nátıjelerin salystyrý negizinde júrgiziledi.»;
26-tarmaq mynadaı redaksııada jazylsyn:
«26. Oqý pánderi boıynsha meńgerilgen kredıtterdi qaıta tapsyrý kezinde qorytyndy baqylaý nysanyndaǵy aıyrmashylyq eskerilmeıdi.
Qazaqstan Respýblıkasy Bilim jáne ǵylym mınıstriniń 2011 jylǵy 20 sáýirdegi №152 buıryǵymen bekitilgen, Normatıvtik quqyqtyq aktilerdi memlekettik tirkeý tiziliminde №6976 bolyp tirkelgen Oqytýdyń kredıttik tehnologııasy boıynsha oqý prosesin uıymdastyrýdyń qaǵıdalaryna sáıkes synaq eń tómengi D (1,0; 50-54%) jáne eń joǵarǵy A (4,0; 95-100%) aralyǵyndaǵy dıapazonda tórt baldyq júıe boıynsha sandyq ekvıvalentke sáıkes bilim alýshynyń oqý jetistikterin baǵalaýdyń áriptik júıesine teńestiriledi.»;
27-tarmaq mynadaı redaksııada jazylsyn:
«27. Bilim alýshylardy kýrstan-kýrsqa aýystyrý oqý jylynyń qorytyndylary boıynsha (aralyq attestattaý) jazǵy semestr nátıjelerin jáne alynǵan ortasha úlgerim baldaryn (GPA - Grade Point Average) eskere otyryp júzege asyrylady.»;
30-tarmaq mynadaı redaksııada jazylsyn:
«30. Belgilengen aýysý balyna qol jetkizgen jáne kelesi kýrsqa aýystyrylǵan bilim berý granty nemese memlekettik bilim berý tapsyrysy (budan ári – memlekettik tapsyrys) boıynsha bilim alýshylar akademııalyq qaryzy bar bolǵan jaǵdaıda bilim berý grantyn nemese memlekettik tapsyrys ornyn saqtaı otyryp, ony aqyly negizde joıady.
Bilim berý granty boıynsha bilim alýshy bir joǵary oqý ornynan ekinshisine bir kýrsqa tómen aqyly negizde ǵana aýysýy múmkin.»;
35-tarmaqta;
4) tarmaqsha mynadaı redaksııada jazylsyn:
«4) fakýltet dekany (ınstıtýt dırektory), ofıs-tirkeýshi, akademııalyq máselelerge jetekshilik jasaıtyn bólimshe basshysy, oqý isi jónindegi prorektor, JOO basshysy qoıǵan buryshtamalarǵa sáıkes bilim alýshyny aýystyrý týraly buıryq shyǵarady.»;
mynadaı mazmundaǵy 35-1 tarmaqpen tolyqtyrylsyn:
«35-1. Bilim alýshylar qataryna qaıta qabyldaý aqyly negizde ǵana júzege asyrylady.
Qaıta qabyldaý rásimin joǵary oqý orny derbes anyqtaıdy. Bul rette bilim alýshy óziniń oqýyn jalǵastyrǵysy kelgen JOO basshysynyń atyna qaıta qabyldaý týraly ótinish beredi. Qaıta qabyldaný týraly ótinishke Anyqtama (túpnusqa) qosa beriledi.»;
38 jáne 39-tarmaqtar mynadaı redaksııada jazylsyn:
«38. Bilim alýshyny bir JOO-dan ekinshisine bilim berý granty negizinde aýystyrý kezinde qabyldaýshy JOO-nyń basshysy bilim alýshyny qabyldaý týraly buıryqtyń kóshirmesin onyń atyna jazylǵan bilim berý granty kýáliginiń kóshirmesimen birge bilim berý salasyndaǵy ýákiletti organǵa jáne tıisti bıýdjettik baǵdarlama ákimshisine JOO-nyń qarjylandyrý kólemin túzetý úshin usynady.
39. Oqý kezeńinde paıda bolǵan aýrý nátıjesinde berilgen mamandyqta oqýǵa tyıym salynǵany týraly dárigerlik-konsýltatıvtik komıssııanyń qorytyndysy bar bilim berý granty boıynsha bilim alýshy bir mamandyqtan ekinshisine bilim berý tapsyrysy boıynsha bos orynǵa aýysady.».
2. Joǵary jáne joǵary oqý ornynan keıingi bilim, halyqaralyq yntymaqtastyq departamenti (S.M.О́mirbaev) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqtyń kóshirmesin kúntizbelik on kún ishinde merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O.Balyqbaevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bilim jáne ǵylym mınıstri A.SÁRINJIPOV
Buıryq Qazaqstan Respýblıkasynyń Ádilet mınıstrliginde 2015 jylǵy 3 qarashadaǵy Normatıvtik quqyqtyq kesimderdi memlekettik tirkeýdiń tizilimine №12229 bolyp engizildi.